VANGLAINI ZIRCHIANNA Tun hnaia HSSLC Commerce result
Higher Secondary School Leaving Certificate (HSSLC) Examination 2015 result tihchhuah takah khan Commerce bikah zirlai exam 552 zinga 444 an pass a; pass percentage chu 80.43 a ni a, pass percentage hi a hma kum, 2012, 2013 leh 2014-te aiin a sang zawk. Tun ṭumah hian HSSLC 2015-a Commerce course bik result kan bih chiang dawn a ni.
COMMERCE
Kumin HSSLC Commerce-ah khan exam beitu 552 zinga 444 an pass a; distinction-ah mi 22, first division-ah mi 110, second division-ah 127 leh third division-ah 185 an pass. Hetih lai hian, compartmental chance nei zirlai paruk leh fail zirlai 102 an awm bawk.
HSSLC Commerce result khaikhinna
Particular 2012 2013 2014 2015
Appear 628 518 598 552
Distinction 6 6 12 22
1st. Div. 58 48 51 110
2nd. Div. 124 118 139 127
3rd. Div. 194 188 244 185
Total pass 382 360 446 444
Pass percentage 60.83 69.50 74.58 80.43
Compartmental 35 11 8 6
Failed 211 147 144 102
HSSLC Commerce Top 10
Kum 2012-2015 inkarah Commerce subject-ah hian top 10-a lang zirlai 43 an awm a; chung zinga 25 (58.13%)-te chu hmeichhia niin, mi 18 (41.86%)-te chu mipa an ni.
Kum li chhunga Commerce a tiṭha ber (topper) zingah kum 2014-a topper Aileen Malsawmdawngi d/o K Lalremruata, Chaltlang, Oikos HSS-in a hmu sang ber a, mark 442 a hmu. Kumli chhung hian Oikos HSS-in 2012, 2014 leh 2015-ahte topper an nei a, top 10-ah an zirlai 33 an lang bawk. St. Pauls HSS-in top 10-a lang zirlai pakua an nei thung.
Kum 2012-2015 chhung hian Commerce subject-a top 10-a lang zingah hmeichhia an tam zawk a, pass zawng zawng zingah mipa aiin hmeichhia an tam zawk bawk a ni.
2012-15 inkara top 10-a lang zat
Sex 2012 2013 2014 2015
Male 3 6 4 5
Female 8 4 8 5
Total 11 10 12 10
Oikos HSS 9 8 8 8
St. Pauls HSS 2 2 4 1
Compartmental
Kumin 2015-ah hian HSSLC Commerce subject aṭangin compartment chance nei zirlai paruk an awm a, mipa pahnih leh hmeichhia pali an ni. Compartmental chance neite hi Economics-ah zirlai pahnih leh Accountancy-ah zirlai pali an ni.
Commerce subject-ah hian private-a exam zingah hmeichhia aiin mipa an tam zawk zel a, pass percentage-ah pawh mipa an ṭha zawk. Regular leh private-a exam-a fail zingah kum li chhung hian hmeichhia aiin mipa an tam zawk a ni. Kum 2013 khan exam laia hnawhchhuah mi pahnih an awm a, a hnuah an awm lo.
Hmeichhia leh mipa khaikhinna
Division 2012 2013 2014 2015
Male Female Male Female Male Female Male Female
Appeared 353 275 279 239 323 275 286 266
Distinction 2 4 4 2 4 8 10 12
1st. Div. 23 35 20 28 27 24 50 60
2nd. Div. 62 62 51 67 72 67 58 69
3rd. Div. 116 78 105 83 123 121 108 77
TOTAL 203 179 180 180 226 220 226 218
Pass percentage 57.51 65.09 64.52 75.31 69.97 80 79.02 81.95
Compartmental 19 16 7 4 7 1 2 4
Failed 131 80 92 55 90 54 58 44
Commerce subject zirna bikah hian kum 2012 khan zirlai pass vekna sikul pahnih a awm a, kum 2013-ah pathum, kum 2014-ah pathum leh kum 2015-ah panga a awm. Zirlai fail vekna sikul kum 2012-ah a awm lo a, kum 2013-ah pahnih a awm a; kum 2014 leh 2015-ah fail vekna sikul a awm lo bawk.
Kumin 2015 hian Commerce subject-ah sorkar sikul aṭangin zirlai 83 an pass a, deficit school aṭangin 111, private school aṭangin zirlai 184 leh private candidate 66 an pass a ni.
District tina pass zat
District 2012 2013 2014 2015
Aizawl 310 279 362 336
Champhai 26 22 11 23
Lawngtlai 13 10 33 19
Lunglei 30 42 27 46
Saiha 1 1 4 5
Serchhip 2 6 9 15