District fai intihsiak atana hmalak dan tur sawiho

Nimin khan Saitual Town Sanitation Committee chu DC conference hall-ah DC Dr Lalngura Tlau hoin an ṭhukhawm a, district fai intihsiakna lo awm tur 'Mizoram Cleanliness Competition 2024' atana hmalak dan tur an sawiho.

Dr Lalngura Tlau chuan Saitual district chuan khawpui fai ber lawmman a lo dawng tawh thin tih sawiin, "Tunhnaiah kan dinhmun a tlak hniam leh tak avangin hmalak thar leh a ṭul hle,' a ti.

DUDO Laldisanga pawhin thu sawiin, "Intihsiakna hi UD&PA department chauhin a ti puitling thei lo tih a sawi a, department hrang hrang hotute leh tlawmngai pawlte chu ṭanrual a ngai," a ti a, kawng hrang hrangah an puihna leh tawiawmna a ngen nghal a ni.

He thutkhawmah hian Mizoram Cleanliness Competition 2024 hnuaia tih tur activity hrang hrang te thlir ho a ni a, hmalak dan turte sawiho nghal a ni. Saitual Town Sanitation Committee member-te, line department-te, NGO hruaitute leh VC hruaitute an tel.