YMCA chairman Dr Thangtea

Minister Dr R Lalthangliana chu nimin khan kum 2020-2021 chhunga Young Mens Christian Association (YMCA) North East Region chairman atan lak luh a ni.

Lâk luhna inkhawm hi Dr R Lalthangliana pisaah neih a ni a, inkhawm hi Shillong-a YMCA president Most Revd Dr P Lyngdoh-a'n a kaihruai a, Nomination Committee chairman K Lalsawmvela'n office bearer thlan tharte puanna hun a hmang a ni.

Dr R Lalthangliana chuan India ramah Kristiante kan la tlem hle tih sawiin, "Kum 2001 census-ah 2 or 3 % lek kan ni a, 2005 census-ah 6 % World Christian Database aṭang chuan kan lo tling ve ta a ni. YMCA hian theihtawp chhuahin India rama Kristiante himna tur leh inunauna nghet zawk kan neih theih nan hma a lo lak tawh ṭhin angin hma kan la chhunzawm zel dawn a ni," a ti.