Dan loa home quarantine hnam dang pali thawn lêt

Kolasib Electric Veng Village Task Force (VTF) chuan an huam chhunga dan loa hnam dang khung hran mi pali chu nimin khan state páwnah an thawn lêt.

Electric Veng VTF hruaitute sawi danin, Phaisen checkgate kaltlanga hnam dang rawn lut mi pali chu an veng chhungah dan loa home quarantine tir an ni. An vaiin in sa tura chah luh an ni a, thuneitute hriatpuinain home qua­rantine phalsak an ni. Hnam dangte hian ILP leh temporary ILP an nei lo.

Kolasib DC thuchhuah­ah, home quarantine phal a nih loh lai leh hnam dang mi palite pawh home quarantine phalsak an nihna ziaka hmuh tur a awm loh avangin lirthei ngaihtuahsakin an thawn lêt a ni.

Electric Veng VTF chuan, Covid-19 hripui léng karah sorkar, kohhran, NGO leh páwl hrang hrangte'n  nasa taka ṭan an lâk mek laia thil tih theihna hmachhuana dan loa state páwn lam mi chah luh leh hruai luh an remtih ngai dawn loh thu an tarlang.