Assam-a Mizote chungchang sawiho

Nimin khan MZP Pisapuiah pawl hrang hrang hruaitute leh Thangram Indigenous Peoples Movement(TIPM) hruaitute an inkâwm a; MZP president B Vanlaltána'n kaihruaiin, Assam awpna hnuaia awm Zo hnahthlak hrang hrang - Chorei, Hrangkhawl, Ranglong, Sakachep, Molsom aiawh TIPM rawtnate an sawiho.

Ṭhutkhawmah hian resolu­tion an siam a; "Kan unau TIPM hruaitute'n sq.mile 180 huam chhunga Zo hnahthlak hnam péng hrang hrang awmte Mizoram sorkar enkawlna hnuaia awm an duh thu an rawn thlen chu NGO aiawh (CYMA, MSU, MUP)-te chuan a hlawhtlin theihna turin a ṭul anga hmalakpui zel ni se ṭha kan ti," an ti a ni.