MTP-in missionary thlân hai

Mara ram missionary-te thlana an ruhrote chu miin an la chhuak nia thuthang a awm avangin Mara Thyutlia Py (MTP) chuan Inrinni khan Serkawra missionary-te thlan chu hâiin an enfiah.

Missionary-te thlan hai tur hian MTP chuan missionary-te thlah te, MTP branch te, MChP leh MSO hruaitu te, Evangelical Church of Maraland leh CCIM kohhran puipate an sawipui a, an remtih tlan angin Rev. RA Lorrain leh a nupui, Moud Louise Lorrain thlante chu haiin an enfiah ta a ni.

MTP president T Cha­tlua'n Vanglaini a hrilh danin, thlânte chu miin an khawih leh khawih loh an la hre mai thei lo a, zungbun ṭhenkhat erawh an hmu a; la enfiah zui tura tih a ni.