Nepal tan Rs. 8,79,940 hmu

18th May, 2015

ZONET Cable TV-in Nepal ram lirnghing vanga chhiatna tawk Mizote ṭanpuina tur, 'Mizoram for Nepal' tia thawhlawm an khawn chu an titawp ta a, Rs. 8,79,940 an hmu.

Nepal-a lirnghing tuarte Ṭanpuina tur hi Inrinni tlai thleng khan sum faiin Rs. 6,70,439 an hmu a; Mizoram Art Development Society member-te'n lemziak 14 an thawh lilàmna aṭangin Rs. 2,09,501 hmuh beisei a ni. Ṭanpuina sumte chu vawiin hian Nepal Mizo Welfare hruaitute hnenah hlan a ni ang.

ZONET Cable TV chuan ṭanpuina thawhtute zawng zawng chungah lawmthu an sawi a ni.