NEICCYA Assembly a ṭiak

18th May, 2015

North East India Christian Council Youth Assembly (NEICCYA) Biennial Assembly vawi 16-na, May 15, 2015 zana Aizawl Temple Corps biak-ina ṭan chu nizan khan a ṭiak.

NEICCYA Assembly-ah hian Inrinni khan bussiness session neih niin, kum 2015-17 chhung hruaitu tur an thlang.

President-ah Rev. Eleazer Sanglyne (KJP Synod); vice president-ah H Lalthanliana, MṬKP (BCM); secretary-ah PC Biakmuanpuia, CKṬP (Mizoram Synod); assistant secretary-ah Jimmy Laltlanmawia, SAY (Salvation Army); treasurer-ah Rev. Samuel Dkhar, Church of God leh, finance secretary-ah Rev. Salem L. Hmar, CKṬP (EFCI)-te an thlang.

Inrinni zanah Booth Mansion Hall-ah variety programme neih a ni a; nimin khan nilengin vantlang inkhawm neih a ni.

NEICCYA hi NEICC hnuaia ṭhalai pawlte intelkhawmna a ni a; India hmarchhak biala kohhran pawl 35 leh para-church pakua an tel. Tun ṭum Assembly-ah hian Manipur, Meghalaya, Assam, Nagaland leh Mizoram aṭangin palai 408 an kal a ni.