PMEGP chungchang ngaihtuah

Kolasib District Monitoring Committee on PMEGP chu an chairman Robert C Lalhmangaiha, bawrhsap hoin nimin khan a pisaah an ṭhukhawm. Kolasib district-ah Prime Ministers Employment Generation Programme (PMEGP) dilna 54 a luh tawh thu leh project 26 sanction a nih tawh thu tarlan a ni.

Ṭhutkhawma tarlan danin, PMEGP dilna 54 a lut tawh a, chu'ngte chu bank lamah thawn vek tawh niin, nimina ṭhutkhawm thlengin project 26 sanction a ni tawh. PMEGP hi central scheme a nih angin state-in target a neih aṭangin district hrang hrangte chu target pek an ni ṭhin a, kumin atana Kolasib district target chu project 85 niin, margin money chu cheng nuai 94.35 a ni.

Tun dinhmunah PMEGP latute'n a tlangpuiin an loan lak an rùl ṭha thawkhat nia an hriat thu bank hrang hrang aiawhte chuan an sawi.