LADC inthlan atan campaign ngawrh

December 4, 2020-a Lai Autonomous District Council (LADC) MDC inthlan­pui neih turah campaign-in a vàwrtàwp a thleng mek a; BJP, INC, MNF bakah independent can­didate-te ngawrh takin an campaign mek.

LADC-ah hian candidate-te leh anmahni puitute'n vote zawn hna an bei ngawrh viau tawh. Mi ina luta anmahni vote tura sàwm chu campaign hmanraw langsar ber a nih mek laiin, hri léng vangin chhungkaw eng emaw zat chuan inlêng neih an duh lo. Campaigner-te pawhin in tina luh chu an hreh avangin, telephone leh social media lamah ṭum dang aia nasain ṭan an la a ni.

LADC hian MDC seat 25 a awm a, MNF-in seat 25, BJP-in seat 17 leh INC-in seat 14 an chuh dawn. Independent candidate 18 an awm a, chu'ng zinga pathum chu INC thláwptu an ni.