Saihaah Baby Show nei

Saiha district-a nausen kum khat hnuai lam thi tam lutuk tihtlemna atana hmalakna chi khat atan nimin khan Saiha khawpuia Health sub-centre parukah Health department huaihawtin nausen kum khat hnuai lam entirna, Baby Show neih a ni.

Baby Show neihnate chu Saiha Tlangkawn, New Saiha, New Colony, College Veng, Old Saiha leh Meisatla sub-centre-ahte a ni a, doctor-te leh health supervisor-ten nausen 264-te hriselna dinhmun an enfiah.

Baby Show-ah hian lawmman pakhatna Rs 1,500, pahnihna Rs 1,000 leh pathumna Rs. 500 a ni a, consolation prize Rs 100 ṭheuh pek an ni. Baby Show hi tun hnai khan Health department chuan Tuipang, Phúra, Chhuarlung leh Chakhangahte an lo buatsaih tawh bawk.