Mamita power harsatna thlen dan enfiah

Ruahsur chánga Mamit khuain power supply a hmuh loh ṭhin chinfel dan zawngin Mamit DC Vanlalngaihsaka chuan nimin khan 33KV line-in Dampui ramngaw a paltlangna hmun an enfiah.

Vanlalngaihsaka chuan, “Ruahsur apianga Mamitin power supply a hmu lo nghal zel hi buaipui tham a ni. A sutkian dan zawn a ngaihtuahna hmanho leh thawhho a ṭul. Kuthlei vanga line lo khawih chhe ṭhinte chu district thuneitute hnenah thlen ṭhin ni se,” a ti.

DC ṭawiawmtu Power & Electricity executive engineer VJ Cheeryan chuan, forest clearance ti tura hma an lak zel tur thu leh mimal ram chhunga power line kalte chinfel dan tur ngaihtuah a ṭul thu a sawi.