An kih hnawha tâlbuaiah ZNP-in Congress an puh

ZNP ṭhalaite chuan thuchhuah siamin, Congress kaihhruai Mizoram sorkar hotute chu anmahni kih hnawkah an tâlbuai niin an sawi a, “Anmahni ngeiin thianfai leh turin kan phût tlat a ni,” an ti.

ZNP ṭhalaite chuan, kum 2008 in­thlan dawnah Cong­ress party chuan NLUP chu Prime Mi­nis­ter Special Pack­age aṭanga pek tur anga sawiin, dâwtin mipui an bum niin an sawi a, “Mizoram hmasawna tur plan fund aṭangin sum min pawhhêksak a, hmasawnna kal lai a châwl ṭhuap a, hlawh la thei lo mi tam tak an awm phah a ni,” an ti a; Congress sorkar kum sarih vel chhung­in hmasawnna an thlen lo niin an sawi.