Serchhip YMA-in sorkar in luah loh tlawh

YMA sub-headquarters, Serchhip hnuaia Vigilance & Monitoring Committee (VMC) member-te chuan, Inrinni khan Chhiahtlang dáia Supply department kudam leh quaters tur sak zawh tawh, luah loa la awm an tlawh a, a dinhmun an enfiah.

Serchhip YMA Vigilance & Monitoring Committee hruaitute sawi danin, kudam hi kum 2007-a sak ṭan a ni a, cheng nuai 40 séngin kum 2008-ah sak zawh a ni. Luah a la nih loh avangin kawngkhar kalhna tala tihchhiat a ni a, darthlalang a keh deuh vek tawh a, hnimin a bawh tawh hle.

Kudam chhakah Supply inspec-tor quarters tur a awm a, kum 2008-ah sak zawh a ni tawh. Quarters panna kawng pawh hnimin a bawh phui vek tawh a ni.

Serchhip YMA Vigilance & Monitoring Committee hruaituite chuan, building sak tawh hman
ṭangkai loa a awm reng chu pawi an tih thu an sawi a, "A nih dan tur anga hman thuai ni se kan duh hle," an ti.