Sorkarin duhsak a neih avangin Buhfaiah harsatna a tâwk - MNYF

Mizo National Youth Front (MNYF) president K Vanlalvena chuan, Mizoram sorkarin buhfaiah harsatna a tâwk mek nia sawiin, "Sorkarin mimal duhsak fâl bik a neih rah chhuah a ni," a ti.

MNF ṭhalaite hian Inrinni khan Aizawl Press Club-ah thu-thar thehdarhtute an kâwm a; K Vanlalvena chuan, "Mizoram sorkar chuan FCI aṭanga buhfai man to zawka lei ṭhin chu kum 2014 khan titawpin, open market-a lei turin buhfai supplier tur thlanna tender a chhuah a, April 9, 2016 khan tender thar chhuah leh a ni," a ti a, mimal supplier hnen
aṭangin a hun takah buhfai hmuh a nih loh avangin Mizoram sorkar a mangang niin a sawi.

MNYF President sawi danin, supplier tura thlanin buhfai a supply hleih theih loh avangin retailer-te tan allotment siam hleih theih a ni lo. Chutih laiin, Ramrikawna FCI kudama mi chu thla li (July-October, 2016) atan quintal 1,95,783 lei pûk a ni a, chuta tan chuan cheng nuai 922.20 sên a ni.

Supply department-a thawk-tute'n Mizoramin buhfaia har-satna a tâwk dawn tih an hmuh lâwk avangin February 16, 2016 khan sorkarah a sutkian dan tur rawtna an thlen nia sawiin K Vanlalvena chuan, "Supplier atana thlanin a hun taka buhfai a supply theih loh avangin buhfai mamawh qtl. 2,40,000 chu tlâkchham a nih thu leh a sutkian nan tender chhangtute zinga a chhang hniam mi panga hnenah approved rate-in supply tir ve ngei ni se tiin an rawt a ni," a ti.

MNF ṭhalai President chuan, Supply department rawtna chu sor-karin a pawm lo a, supplier hnen-ah buhfai qtl. 3,20,000 sup-ply turin kumin March 2 leh April 29-ah order a pek leh thu sawiin, "Mizoramin a mamawh khawp buhfai qtl. 24,000 lai a tlakchham lai leh qtl. 3,20,000 lai supply leh tura mimal duhsak fâl bik hnena order an pek hi tuna Zoramin buhfai tlakchhamna kan tawh mek lo irh chhuahna a ni," a ti a; supplier hian buhfai quintal 3,20,000 a la supply loh thu a sawi bawk.