UD&PA dept.-in an hmalaknate Thuthar thehdarhtute an hrilhfiah

UDPA department hotute chuan July 29, 2016 tlai khan Lunglei Circuit House conference hall-ah thuthar thehdarhtute an kâwm a, sorkar laipui scheme hnuaia an hmalakna hrang hrangte an hrilhfiah.

UDPA director Zorammuana chuan, October 2, 2014-ah Swachh Bharat Mission (Urban) hawn a ni thu sawiin, "Lungleiah pawh first phase kalpui tura hmalak mek a ni. Kum 2019-ah Mahatma Gandhi pian champha vawi 150-na puala India chu inthiarna mumal nei lo awm lohna (open defecation free) rama puan hman tum a ni," a ti a; inthiarna thianghlim zawk sa turin YMA-te nena thawhhona thu-thlung ziah a nih tawh thu a sawi.

Zorammuana chuan, Pradhan Mantri Awas Yojana-Housing for All by 2022 Mission kaltanga Beneficiary Led Construction (BLC) hnuaiah in sak
ṭanpuina dil Lunglei aṭangin chhungkua 2,888 an awm thu leh Credit Linked Subsidy Scheme (CLSS) hnuaia in sak ṭanpuina dil chhungkua 1,775 an awm thu a sawi a, "Kum 2022-a India zalenna champha vawi75-na pualin chhungkaw tinte'n chenna in an neih theih nana scheme hi kalpui mek a ni," a ti.