Lawngtlaiah quiz competition buatsaih

Lawngtlai District Disaster Management Authority (DDMA) leh World Vision, Lawngtlai ṭangkawp chuan July 29, 2016 khan BRC hall, Lawngtlaiah District Level High School Quiz Competition an buatsaih a, DC Dr A Muthamma-a'n a hmanpui.

Lawngtlai DC chuan, chhiatrupna hmachhawn danah Mizoramin zir tur a la ngah thu sawiin, "Chhiatna lo thleng tura rinhlelhna a awm chuan hmun him zawka insaseng thuai ṭhin tur a ni," a ti.

World Vision-a coor-dinator HL Rinawma chuan, "Chhiatrupna lo thleng tur chu a hun tak hriat lâwk theih a nih ṭhin loh avangin inpuahchah lâwkna ṭha tak nena hmun him zawk buatsaih leh, chhanchhuah hna leh chhawmdawl hna kalpui dan tur lo zir lawk hi a pawimawh," a ti a; inring renga awm a ṭul thu a sawi.

Quiz-ah hian Lawng-tlaia high sikul paruk - ML Junior English School, Region High School, Jehova Jire English School, Ngurnunsangi English School, Don Bosco School leh Downtown English School-te an tel a ni.