IWMP enkawltute tan training buatsaih

Pradhan Mantri Sdidhi Sinchayee Yojana (PMKSY) kaltlanga Champhai district khaw hrang hranga kut hna-thawktute'n eizawnna kumhlun leh lo ram nghet an neih theihna tura, Integrated Watershed Management Project (IWMP) hnuaia hmalaknaa hnathawktu leh enkawltute tan tun hnai khan Champhai DRDA conference hall-ah training buatsaih a ni.

Training-ah hian DRDA pro-ject director CC Lalchuang-kima chuan, Cham-phai district-a IWMP hmalakna kal mek chu ṭha thawkhata a hriat thu a sawi a, "Kut hnathawktute'n eizawnna nghet, huan lo ram an neih theih ngeina tura theihtawp chhuahin, IWMP hmalakna zau zawka kalpui tum a ni," a ti.

Champhai district chhungah hian kum 2010 aṭangin IWMP kalpui ṭan a ni a, tunah hian district hmun hrang hranga khaw 28 tuamtu project pasarih kalpui mekah ram hectare 29,036 tuamin, porject puma hmalakna atan cheng vbc 43.55 ruahman a ni.

Kum 2015-2016 bikah sorkar laipui aṭangin cheng nuai 500.42 leh state share cheng nuai 44.54 hmuh a ni.