Training chhuak hna thawk turte thlah

Mizoram Youth Commission (MYC) leh DoNER ṭangkawpin ,Skill Development and Capacity Building Training an buatsaiha zirlai hna hmute lawmpuina leh thlahna hun, nimin khan IAS & SSC Coaching Centre, Dintharah hman a ni a; Labour, Employment & Industrial Training (LEIT) minister Lalrinmawia Ralte-in a hmanpui.

Lalrinmawia Ralte chuan, placement chungchangah Mizoram aṭanga zir chhuakte an vanneih thu sawiin, "Kan hnathawhna turah rinawmna, chhelna leh taimakna nena thawkin, kan nihnaah kan nghet tur a ni. Kan hna thawhna azirin kan awm dan kan thlak thiam a ṭul a, kan tih tur dik takah kan chian a ngai hle," a ti.

LEIT Minister chuan, training chhuakte chu an hnathawhte a tirah a hahthlak mah se, harsatna paltlang a, kaisanna a awm tih hre renga chhel taka thawk turin a fuih.

MYC chairman T Sangkunga pawhin thu sawiin, "India ram khawpuiah chauh training ṭha hi an lo pe ṭhin emaw kan tih laiin Aizawlah ngei training-na hmun ṭha tak kan nei hi lawmawm. Aizawla training chhuakte'n hna ṭha tak tak an hmu a, hei hi zirtirtute leh consultant ṭha kan neih vang a ni," a ti.

MYC leh DoNER Skill Deve-lop-ment and Capacity Building Training zo hna hmu an thlahte hi mi 61 an ni.