Jail táng tlân chhuak man

Mizoram police-te chuan tualthah thubuai vanga mana Central Jail-a tang Lalrindika (26) s/o Vanlalchhunga, West Lungdar, July 9, 2016-a tlanbo chu nimin khan an man a; tang tlanbo man chungchang hi nimin khan Aizawl SP con-ference hall-ah thuthar thehdarhtute an hrilhfiah.

Press conference hi Aizawl addl. SP Rex Zar-zoliana Vanchhawng-in a kaihruai a, operation commander sub-inspector RS Lalchungnunga'n Lal-rindika an man dan a sawifiah. RS Lalchung-nunga chuan, Lalrindika chu West Lungdar aṭanga km. 6 vela hla Tlawng phai-ah nimin zing dar 8:35 khan an man thu a sawi.

RS Lalchungnunga sawi danin, July 2 khan Lalrindika awmna nia an rin West Lungdar leh Kanhmuna in pahnih an dap a, mahse an hmu lo. Nimin zing khan an thu dawn bawhzuiin Tlawng phaiah an kal leh a, Lalrindika hi a ú Tlanglawma te thlámah a lo muhil a, an man ta a ni.

Lalrindika hi January 31, 2016 khan a pa ú fapa thah thubuaiah man a ni a, a thubuai Court-a chinfel a nih hmain jail aṭang hian a tlan chhuak a, jail aṭanga tlanbo thubuai pek belh a ni.