In ṭhiahsakna tura order chhuah Khinletna High Court-in a hnâwl

Mizoram sorkar chuan thuchhuah siam-in, Aizawl District Disaster Management Authority (ADDMA)-in Darchhinga building, Dawrpui West-a mi ṭhiat tura order a pek khin lêtna chu High Court-in vawi hnih a hnâwl thu an tartlang.

Sorkar thuchhuah tarlan danin, ADDMA chuan Darchhinga building hi a him tawk loa a ngaih avangin Code of Criminal Procedure, 1973 hnuaia Section 133(d)-in thuneihna a pek hmang leh Disaster Management Act,2005 hnuaia Section 34(k)-in thuneihna a pek hmangin thupek chhuah aṭanga thla khat chhunga chhuahsan tur leh thiat turin thupek a chhuah a ni.

ADDMA thupek hi Darchhinga hian High Court-ah a khing a, High Court Single Bench chuan thu tlingah ngai loin, Februarty 13, 2105-ah a hnâwl. Court tuhtlukna chu Darchhinga chuan khing let lehin, High Court Division Bench, chief justice Ajit Singh leh justice Suman Shyam ṭhutnaah ngaihtuah leh a ni.

Gauhati High Court Division Bench chuan Darchhinga'n a in luahtute nunna leh mipuite nunna dinhmun hlauawma dah turin phalna pek theih a ni lo a ti a; Darchhinga petition chu a hnâwl ve leh a ni.

High Court-in ADDMA thupek khin lêtna a hnâwl vang hian Dar-chhinga building ṭhiat tura ADDMA-in order a chhuah tawh chu a la nung reng tih sorkar thuchhuah chuan a tarlang.