KHAWTHLIR

Thilpek hlan

Armed Veng branch YMA chuan nimin khan an din champha vawi 47-na pualin Aizawl Civil Hospital Poor Fund atan Rs. 14,000 an hlan. Armed Veng branch YMA hi August 3, 1969-ah din a ni a, tunah member 1,500 vel an awm mek a ni.

Forensic training

Administrative Training Institute (ATI), Mizoram chuan, Thawhlehni leh nimin khan police-te tan forensic thiamna hmanga pawikhawihna a thlen chánga misual chêtna hnuhma vawn ṭhat leh chhui zui dan inzirtirna 'General awareness about Crime Scene Preservation – Forensic Science in Crime Investigation' an buatsaih a; police eng emaw zat an tel.

Teachers Day

Lunglei District Level Monitoring Committee for Celebration of Teachers’ Day 2016 chu nimin khan an chairman Abhijit Vijay Chaudhari, DC hoin a pisaah an
ṭhukhawm a, kumina Teachers Day hman dan tur an rel. Sorkar leh private school-a zirtirtute sum thawh khawm hmanga zirtirtu damlo leh harsate ṭanpui ni se, mipui aṭanga ṭanpuina pe duh an awm pawhin ruahmanna siam an rel.

Operation Muskaan

Lawngtlai District Child Protection Unit (DCPU) leh Lawng-tlai SP buatsaihin, nimin khan SP conference hall-ah naupang vâkvaite ṭanpuina beihpui thlakna, Operation Muskaan-II zirhona buatsaih a ni a, Lawng-tlai SP F Lalsanglura'n a hawng. Operation Muskaan-II hian a tum ber chu, naupang bo leh hlamchhiah, enkawltu nei lote zawn chhuaha chhanchhuah leh chhawmdawl a ni.