Aizawlah motor 1,19,988 register tawh

Transport department chhinchhiah danin, July 2016 thleng khan Aizawl district-ah motor register 1,19,988 a awm tawh a, kum 2016 chhung bikah July thla tàwp thlengin 5,377 ziah luh a ni tawh.

Motor register tharte chu a len dan azirin chi hrang 31-ah ṭhen a ni a; motor register zinga tam ber chu two wheeler nin, 76,939 a tling. Bungraw phurh nana hman chi motor 8,194 register a ni a; khualzin phurh nana hman chi bus 978, taxi 4,663 leh three ke thum nei 39 register a ni bawk.

Kum 2016 chhung bikah July thla tawp thlenga motor 5,377 ziah luh tawh zingah two wheeler tam berin, 4,052 register a ni tawh a; June thla chhunga ringawta ziah luh pawh 889 tlingin, thla khat chhunga register thar tam ber ṭum a ni. May thlaah 800, March-ah 796, January-ah 777, July-ah 738 leh February-ah 700 ziah luh a ni.