KHAWTHLIR

Thisen pe
Dehradun Mizo Welfare member-te chuan an Rising Day vawi lina pualin nimin khan Indian Medical Association blood bank-ah thisen unit 50 an pe a, a petu mipa 32 leh hmeichhia 18 an ni.

NLUP sem
AH&Vety department chuan nimin khan Mamit district-a vawk vulh thlangtu chhung­kaw 183 hnenah vawk insakna tur Rs. 14,450 ṭheuh ṭan­-
puina a sem. Ṭanpuina semna hi Dampa biala 11 leh Mamit biala khaw pa­rukah a ni.

Mei zu man
Lawngtlai District Anti-Tobacco Squad-te chuan nimin khan Lawngtlai khawpuia pisa hrang hrangah mei zû an awm leh awm loh an enfiah a, office 17 an enfiahah phal lohna hmuna mei zû mi paruk manin, pawisa an chawitir.

CM piancham
Nimin, May 19 kha Chief minister Lal Thanhawla pian champha a ni a; nimina Haryana Niwas, Chandigarh-a Swatchh Bharat Mission Sub-Group meeting a telnaah state dang chief minister leh minister dangte'n lawmpuina an hlan. Lal Thanhawla hi May 19, 1938-ah a piang a ni.

SSU lawm
Students’ Self-Support Union (SSU) chuan thuchhuah siamin, Mizo­ram sorkarin HSLC leh HSSLC-a ti ṭha zualte tana Chief Minister Award hlan ṭhin chu an rawtna sor­karin a tihpui­tlin tak niin an tarlang a, "Kum 2013 khan sem a lo ni tawh a, kum 2014-ah chawlh lailâwk a nih hnuah kum 2015-a a sem leh ta lawmawm kan ti tak zet a ni," an ti.

Heroin man
Central YMA hnuaia SRS-te chuan nimin zing dar 8:30 khan Bawngkawn Red Rose-ah Biakremchhungi (36) d/o Ralliankapa, Zokhawthar inti hnen aṭangin heroin hawng khat an man a, Excise & Narcotic department-ah an hlan nghal. SRS chuan, mimal leh pawl hrang hrang aṭangin ṭanpuina an dawng tih sawiin, an lawm thu an tarlang.