FAO nena thawhho dan tur sawiho

Food and Agriculture Organisation (FAO) buatsaihin nimin khan Horticulture directorate conference hall-ah FAO, Horticulture leh Agriculture department-te thawhho dan tur sawiho a ni a, parliamentary secretary (Horticulture) K Lal­rinthanga'n a hmanpui.

K Lalrinthanga chuan, UN agency-te thawhhonain Mizoram tan hmasawnna tam tak a thlen ngei a beisei thu a sawi. FAO hotu Dr Kevin D Gallagher pawhin Mizoram sorkar nena an thawhhona chuan project lian zawk a la hrin chhuah a beisei thu sawiin, "Tun hnaia Ministry of Forest & Environment bultuma Global Environment Facility meeting-ah dollar nuai 1280 sênga hma lakna turah Mizoram chu India rama state panga thlan chhuah zingah telh a ni," a ti.

Meeting-ah hian FAO mithiamte'n UN Joint Initiative Project kalpui mek hnuaia Mizoram buh leh thlai thar tipung tura ruahmanna an siamte a lem nen an sawifiah a ni.