ASHA lak thar 104-te training neihpui

National Health Mission (NHM) hnuaia Accredited Social Health Activist (ASHA) atana lak thar mi 104-te chu nimin khan Health directorate conference hall-ah induction training neihpui an ni a, Health principal director Dr K Ropari'n a hmanpui.

Dr K Ropari chuan, India rama hriselna chungchanga inhmuhkhawmnaah ASHA-te hming lam rîk reng a nih thu sawiin, IMR leh MMR tihhniamna kawnga beiseina siamtu an nih thu a sawi a, "ASHA-te hi mahni veng leh khuaah mipuite'n an chung en che u a, mipui beiseina tihthlawnsak lo ula ka duh. Nau nei hlim enkawl zui ngai pawimawh ula, nau piang thihna leh nu nau chunga thihnate nasa takin a tlahniam dawn a ni," a ti.

Induction training-ah hian NHM mission director Dr K Lalbiakzuala'n ASHA programme kalpui tawh dan leh hriat tur pawimawhte a sawi a; Mizoramah kum 2006 aṭangin ASHA kalpui ṭan a nih thu leh, Mizoram pumah ASHA volunteer mi 987 an awm mek a, mi dang 104 an dil belh mek thu a sawi bawk.

ASHA volunteer tharte tana training hi May 27, 2015 thleng awh tur a ni.