Serchhipah Mobile Vocational Training

Mizoram Youth Commission (MYC) leh YMA sub-headquarters, Ser­chhipte ṭangkawp chuan nimin aṭang khan thla khat awh tur Mobile Vocational Training an buatsaih ṭan a, Serchhip Hmarveng YMA Hall-ah parliamentary secretary TT Zothan­sanga'n a hawng.

TT Zothansanga chuan, kawng engkima hlawhtling turin invawn leh inthunun a pawimawh ber tih sawiin, "Hlawhtling tur chuan mi dangte aia pên hnih/thuma pên thui tura inpek a ngai," a ti a; training turte chu an hlawhtling ngei theih nana bei turin a chah a ni.

Mobile Vocational Training hi Education & Youth Affairs sub-committee hmalaknaa buatsaih a ni a; cement mistiri, beauty & hairing, cutting & tailoring, electric wiring, mobile phone repairing leh two wheeler repairing-te an zir dawn. Serchhip sub-hrqs. YMA huam chhung­a YMA branch 26 aṭangin mi 118 an tel a ni.