Sangha khawi tur sem mek

Fisheries department chuan Champhai district chhungah sangha chi nuai 10 an sem dawn a, tunlai hian khaw hrang hrangah an sem mek.

Sangha chi hi Champhai South leh North bialah nuai nga leh Lengteng, East Tuipui leh Tuichang bialah nuai nga sem tum a ni a; Champhai South leh North bikah hian sangha chi nuai hnih sem zawh a ni tawh a, nuai thum chah leh mek a ni. East Tuipui, Lengteng leh Tuichangah chuan Thawhṭanni khan sangha chi hi sem ṭan a ni bawk.

Champhai district-ah hian sangha khawitu Champhai South-ah mi 125, Champhai North-ah mi 339, East Tuipui-ah mi 371, Tuichang bialah mi 226 leh Lengteng bialah mi 361 an awm a; sangha khawitute chuan ram hectare 348.9-a zauah an khawi dawn a ni.