Lungleiah Women SHG-te training

Sorkar laipuia Ministry of Finance-in NABARD kaltlanga Lunglei district-a hmeichhiate tana Self Help Group Project a kalpui mek hnuaiah nimin khan Lunglei Sub-Hqrs. YMA Hall-ah SHG member-te tan training buatsaih a ni a, HPC Lunglei vice chairman S Laldingliana'n a hawng.

Lunglei District Women SHG Project hi World Vision India, Chhimtuipui Development Programme (ADP)-in November 29, 2012-ah Lungei district-ah a kalpui ṭan a; tunah hian Mizoram Rural bank leh State Bank of India-te nen thawkhoin kalpui mek a ni. Project-in a tum ber chu - India rama district hnufual bik thlan chhuahtea hmeichhiate châwi kânna leh ei­zawnna ngêlnghet siamsak a ni.

Lunglei District Women SHG Project hnuaiah hian SHG 870 din a ni tawh a, SHG 90-in loan an la tawh a ni. Loan hi 7% pung awmin an la a; ar vulh, vawk vulh, puantah, puanṭhui, sumdawnna tènau, mombati siam, bhujia siam leh trade dangte atan loan hi an la a ni.