PUC-ah science & technology sawiho

Nimin khan Pachhunga University College seminar hall-ah 'Science for Nation Building' tih thupui hmangin state level workshop neih a ni a; Mizoram Science Society (MSS) leh Mizoram sorkara Mizoram Science, Technology and Innovation Council (MISTIC) tangkawpte buatsaih a ni.

Workshop-ah hian Planning department secretary Dr C Vanlalramsanga'n thu sawiin, science leh technology chu ‘Engine of Growth’ tih a nih thu sawiin, mithiamte'n technology chu ram hmasawn nana hman ṭangkai dan kawhhmuh turin academics a pawimawh an tih thu a sawi a, "A taka hmanna tur buatsaih turin sumdawnna leh hnathawhnate a pawimawh leh a, thiamna leh a taka hmanna thlunzawm turin sorkar a pawimawh ve thung," a ti.

Workshop-ah hian ram hmasawnna kawnga science leh technology thilte ṭangkai zawka hman ṭangkai dan tur te, Mizorama science zirna kalpui dan siam ṭhat ngai an tih te, Mizorama skill mission hlawk zawka kalpui dan tur te, ram hmasawnna atana technology ṭangkai zawka hman a nih theih dan turte an sawiho a ni.