Budget siam dan inzirtir

Finance department chuan November 14, Ningani khan Administrative Training Institute auditorium-ah sorkar department hrang hranga drawing & disbursing officer (DDO) leh budget buaipuitute pualin budget siam dan kalphung inzirtirna 'Training on Budget Circular 2025-26' an buatsaih.

Zirhona hi Finance secretary Lalthansanga'n a hawng a, department tina DDO-te leh account lam khawihtute chu sorkar sum enkawltu pawimawh tak an nih thu sawiin, taima tak leh fimkhur taka sum leh pai enkawl turin a chah.

Finance joint secretary (budget) Jennifer HL Duhawmi'n sorkar kum thar 2025-26 budget ruangám duannaa thil thar tih ngaite a sawifiah a; deputy secretary (budget) Laldinpuia'n budget circular chungchang leh proforma hrang hranga thehluh turte a sawifiah. Deputy director (Accounts) Roṭhuama'n gender budgeting chungchang a zirtir bawk.