Zobawk Vengthar YMA-in jubilee lawm

Nimin khan Zobawk Vengthar Branch YMA chuan an kum 50 (golden jubilee) tlin an lawm a, Lunglei HPC vice chairman V Malsawmtluanga, MLA-in a hmanpui.

V Malsawmtluanga chuan YMA chu Mizorama tlawmngai pawl lian ber a nih angin member tawh phawt chu phut let nei lova mi dang tana inchhi ral ngam turin a fuih a, YMAkohhran bil leh pawl bil awm loa lungrual taka tel theihna a nih avangin ṭhalaite chu theihtawpa inhmang zel tur leh an thiamna leh theihnate pawh YMA tana hmang zel turin a chah

Zobawk Vengthar Branch YMA-ah hian member mipa 440 leh hmeichhia 193, an zavaiin member 633 an awm mek. Jubilee hi November 14, Ningani zan aṭangin an lawm ṭan a, nizan khan a ṭiak.