ZGN-in Hmar volunteer kah hlum dem

Zofa Global Network (ZGN) chuan thuchhuah siamin, Manipur Jiribam district-ah Zosangkim Hmar thah a ni leh CRPF-in Hmar Village Volunteer mi 10 an kâp hlum chu an dem thu an tarlang.

ZGN chuan, CRPF-in an kah hlumte chu hel ni loin, Meitei-te’n an beihna laka khua venghim tura inpe, village volunteer (civilian) an nih thu an sawi a, "He thilthleng hi uluk taka chhui a, a ṭul anga action la turin India sorkar kan phut a, mitthi chhungte hnenah zangnadawmna pe turin kan phût bawk," an ti.

ZGN chuan, "Misual tute emawin Pi Zosangkim Hmar w/o Pu Ngurthansang, Jiribam district, Manipur râwng taka an that hi na takin kan dem," an ti a; Zosangkim chhungte hnenah zangnadawmna pe turin Manipur sorkar an phût tih an tarlang.