Mamitah Bru dawnsawn dan tur sawiho

Mamit DC Vanlal­ngaihsaka hoin nimin khan Mamita veng hrang hranga VC presi­dent te, YMA sub-hqrs. hruaitute leh MZP hruaitute'n Tripura transit camp aṭanga Bru lak let turte awmna tur an sawiho. Mamit district-ah hian Bru chhungkaw 2,594 hruai kir beisei a ni.

Mamit DC chuan VCP, YMA leh MZP-te chu boruak muanawm tak hnuaiah Bru-te hruai kir an nih theihna atana thawhhopuiah a sáwm a, "Thil ho têah mualpho theih a nih avangin rilru inhawng tak leh entawn tlaka lo dawngsawng turin kan inbuatsaih a ṭul a ni," a ti.

VCP-te leh NGO-te chuan sorkar rua­hmanna chu ṭha an tih thu sawiin, dodalna an neih loh thu leh theihtawpa ṭawiawm an tum thu DC an hrilh a ni.