CM's Award leh Proficiency Award sem Minister-in selection test ti lo turin a hriattir

Joseph Lalhimpuia chuan, middle school leh high school-ah subject mal bik zirtir tur zirtirtu lak a ni ngai lo tih sawiin, "Tunah recruitment rules siamṭhain, M/S leh H/S-ah subject-wise teacher lak theih a ni tawh dawn a, a hmasa ber atana zirtirtu lak tur chu MBSE-in an buaipui mek a ni," a ti. NGO-te chu zirlaite tichî-âi zawng leh zirna borual tichhe zawnga che lo turin a ngen bawk.

Chief Minister's Award dawngtute chu kumin HSLC-a pakhatna - Jennifer Vanrammawii, Baptist HSS, Serkawn; HSSLC-ah Arts-a pakhatna - VL Malsawm­tluangi, Chaltlang HSS; Science-ah Monojit Ko­nar, St.Paul's HSS; Com­merce-ah John Lal­rem­puia Ralte, Oikos HSS leh, Vocational-ah Zo­­siampuii, GM HSS, Cham­phai te an ni. Lawm­manah Minister H Ro­hluna'n Rs. 50,000 ṭheuh leh thuchei a hlan.

Proficiency Award hi Mathematics, Science leh English subject-a mak hmu sang ber pakhatna aṭanga pathumna thlengte hnena pek ṭhin a ni a; Joseph Lalhimpuia'n pakhatnate hnenah Rs. 5,000, pahnihnate hnenah Rs. 4,000 leh pathumnate hnenah Rs. 3,000 a hlan.

Proficiency Award dawngtute chu - HSLC English-ah mi pariat, Maths-ah mi paruk, Science-ah mi 26 an ni a; HSSLC English-ah mi 35, Maths-ah mi panga, Physics-ah mi pathum, Chemistry-ah mi pali, Biology-ah pali an ni.

Award semna inkhawm hi School Education additional secretary Lalzirmawia Chhangte-in a kaihruai a; School Education director K Lalthawmmawia leh SCERT director Malsawmthangi ten Award pek dan an sawifiah a ni.