Vaivakawn MRB rawk a ni

Vaivakawn, Aizawla Mizoram Rural Bank (MRB) chu May 18, Thawh­ṭanni zan khan rawk a ni a, Rs. 10,00,000 a bo.

Bank assistant mana­ger Lalthanmawii chuan Vaivakawn Police Sta­tion-a FIR a thehlut a; FIR-a a ziah danin, May 18 tlai dar 4:30 vel khan bank an khâr a, May 19-a an hawn leh chuan bank chhungah mi an lut tih hriat a ni a, kawngkhar pakhat tihchhiat a ni. Bank-a lutte chuan pawisa dahna safe an hawng thei lo a, mahse hmun danga an pawisa dah Rs. 1,000 note hlir 1,000, Rs. 10,00,000 chu a kim lo tih an hmu chhuak a ni.

Vaivakawn MRB rawk chungchangah hian police-te chuan bank-a thawk pakhat chu thu zawhfiah atan an la a, nimin khan Court-ah an hruai a; magistrate zawhna a chhannaah thu zawhfiah atana an lak chuan pawisa bo chu a lak a nih loh thu a sawi.