Kawng dangtu mante chhuah

Lungleia Sikul Ṭan Hma Duhlo Coordination Committee inchhâlte zinga mi, Thawhlehnia Pukpui leh Zobawka kawngpui an dan vanga Thawhlehni tlaia man mi 31-te chu nimin khan Lunglei Luangmuala 2nd Bn. MAP hmunah camp court neihpui an ni a, PR Bond-a chhuah vek an ni.

Thu dawn danin, police-in kawngpui dangtu an mante chu Pukpuia duty mi 18 (hmeichhia 10 leh mipa pariat) leh Zobawka duty mi 13 (hmeichhia 10 leh mipa pathum) an ni a; nimin khan PR Bond-a chhuah vek ni mah se, June 3, 2015-ah Court-a inlan tura tih an ni.

Thawhlehni tlai dar 5:30-a police-in kawng­pui dangtute an man hnu hian Lunglei pawhtu kawngpuite chu a tlang a, nimin lamah kawng hi dan a ni tawh lo.