LADC CEM thubuai siam turin Court ngen

Anti Corruption Bureau (ACB) chuan nimin khan Aizawl district chief judicial magistrate hnenah lehkha thehlutin, Lai Autonomous District Council (LADC)-a middle school zirtirtu leh thawktu dang lak danah thil dik lo a awm nia sawiin, LADC CEM leh mi dang pasarihte thubuai siamsak turin an ngen.

Thu dawn danin, October, 2013 khan LADC-in middle school zirtirtu leh thawktu dang a lak danah thil dik tawk lo a awma hriat vangin ACB-in chhui chiang tura ngenna an dawng a; FIR thehluttu chuan, middle school zirtirtu atana lak tharte chu selection grade-a kaitir nghal an nih thu a tarlang.