Lunglei HPC-in traffic police-te hmanrua an pe

Lunglei High Powered Committee (HPC)-in Lung­lei traffic police-te tihchangtlunna atana hmanraw hrang hrang a leite chu, nimin khan HPC vice chairman S Laldingliana'n Lunglei SP Zosangliana hnenah a hlan.

S Laldingliana chuan, tun dinhmunah Lunglei khawpuia traffic chung­changah harsatna lian tham awm lo mah se, mihring leh lirthei a pun zel dawn avangin inhmakhua a, ruahmanna fel zawk siam a ṭul tih a sawi a, "Lunglei traffic police-te hi an fakawm hle a, an mamawh leh an hmasawnna tur sorkarin a ngaihtuahsak zel duh a ni," a ti.

DIG (Southern Range) Joseph Lal­chhuana chuan, Lunglei HPC-te'n traffic police-te hmaraw chi hrang hrang an leisak chu lawmawm a tih thu a sawi a; traffic police-te chu mipuite tana an rawngbawlnaah theihtawp chhuah zel turin a chah.

Lunglei HPC hian traffic police hnenah hian reflected hand glove 40, traffic light button 10, convex mirror pariat, micro controller 11, breath analyser pakhat, spring post 20, reflective tape (white) pali, raflective tape (red) pakua, barricade 10, xerox machine pakhat leh computer leh printer pakhat an hlan a ni.