Congress sorkarin kal ngaihna a hre lo - MNYF

MNF ṭhalaite chuan thuchhuah siamin, tunlaia Mizorama Congress sorkar kal dan chu mipuite'n mak an ti hle niin an tarlang a, "Congress sorkar hian kal ngaihna a hre tawh lo niah kan ngai," an ti.

MNYF chuan, Congress party hruaitute chu Kau-Tlabung leh Tuipanglui mini hydel project-a eirukna chhuitu ACB-te hmalakna titawp tura thapui thawhah puhin, mak an tih thu an sawi a, "ACB-in eiru nia an ngaih engineer 13-te Court-a an chung wthu rel a nih loh nan Supreme Court-ah ukil pasarih a ruai duh hi corruption phoro tumtute thil tih ni loin, corruption vulh len tumtute thil tih ni zawkah kan ngai," an ti.

Kau-Tlabung leh Tuipanglui mini hydel project siam hna thawh chu Congress sorkar hmasak hun lai a nih avangin sorkar chet dan chu engineer-te hum duh hrim hrim vang ni loin, CM Lal Thanhawla a kan kai theih dawn vanga thupbo tumna ni zawka an ngaih thu an sawi a ni.

MNYF chuan, Lammuala North East Trade Expo huaihawttute thil tih titawp tura Aizawl DC-in order a siam tawh a hnûk kîr leh chu an hriatthiam loh thu an sawi a; MGNREGA sum dawn, pek chhuah tlai avangin sorkarin cheng vbc. 13.36 a hloh nia sawiin, an ngaihthiam loh thu an sawi bawk.