Mizo 10-te ruang Lamka thlenpui

November 10, 2024 tlaia Jiribam district, Manipur-a CRPF-te'n an kah hlum Hmar volunteer (hnam leh khua venghim tura inpete) ruang chu thlawhtheihna hmangin November 16, Inrinni khan Lamka, Churachanpur phurh thlen a ni.

Tarlan tawh angin, Hmar volunteer mi 10-te ruang hi November 11 khan Silchar-ah phurh thlen niin, Silchar Medical College-ah enfiah a ni a; mahse, Ministry of Home Affairs lam thu avangin postmortem zawh mai theih a ni lo a, Mizoram kaltlanga Lamka-a lak tum pawh tih theih a ni lo.

Thu dawn danin, mi 10-te ruang hi Lamka-a hawpui tura Mizoram kaltlanga lak a nih chuan boruak sosang zawk a thlen palh hlauhna avangin Manipur sorkarin helicopter hmanga phurh haw dan tur a ngaihtuah a, helicopter hmangin November 16 khan Lamka-ah phurh phur haw a ni ta a ni. Mi 10-te hi vui an la ni lo a, vui hun tur tihchian a la ni lo.