MDC 4-in Congress chhuahsan

Lai Autonomous District Council (LADC)-a Congress party ticket-a thlan tlin Member of District Council (MDC) pali chuan nimin khan Congress aṭanga bànna an thehlut.

Bànna thehluttute chu - LADC chairman ni lai V Zirsanga (Paithar bialtu) te, Lawngtlai Vengpui bialtu VL Hmuaka te, Sangau South bialtu ST Laldailova leh Sekulh bialtu Lallawmsanga Apetow te an ni. Thuthar thehdarhtute zawhna chhangin V Zirsanga chuan, an kal zel dan turah sawi lâwk theih an neih loh thu a sawi.

LADC CEM T Zakunga chuan MDC palite chu July 2019 khan anmahni thlangtlingtu party an rinawm loh san tawh thu thuthar thehdarhtute zawhna chhangin a sawi a, "Congress Legislature Party an thlawpna pawh an hnukdawk daih tawh," a ti.