Public Library Day hman a ni

Nimin khan Art & Cul­ture department buat­saihin State Central Library reading hall-ah '1st Public Library Day' hman a ni a, Art & Culture secretary Rosangpuii'n a hmanpui.

Library Day hmanna hi Art & Culture director R Hmingthanzuala'n a kaihruai a; Rosangpuii chuan, "Internet khawih nasat avangin nau­pangte'n lehkhabu ṭha chhiar nacháng an hre tawh lo a, a pawi hle. Public Library Day hi lehkhabu chhiar uar tharna atan hmang ila a duhawm hle," a ti.

Public Library Day hi Mizorama district khawpui ṭhenkhatah leh YMA branch library ṭhenkhatah hman a ni bawk.

Sorkar laipuia Ministry of Culture hnuaia Raja Rammohan Roy Library Foun­dation (RRRLF), Kol­kata chuan a ṭum khat­na atan May 22 hi Public Library Day atan a puang a; India rama ziaktu ropui Raja Rammohan Roy piancham a ni.

Mizoram State Library-ah hian kum 2014-2015 thleng khan coputer-ah lehkhabu 56,862 an dah lut tawh a; library member puitling 4,743 leh naupang 790 an awm mek a ni.