Zirna sang tihṭhat dan tur sawiho

T Romana College leh Mizoram Educational Foundation-te chuan nimin khan Aizawla IPR Conference Hall-ah 'Quality assurance in higher education' tih thupui hmangin national seminar an buatsaih a, Higher & Technical Education director R Lalrosanga'n a hmanpui.

R Lalrosanga chuan, India ramah university 677 a awm a, Mizoramah college 21 awmin, zirtirtu 845 an awm tih a sawi a, "Zirna ṭha nei turin zirlaite leh zirtirtute'n khawvel hmasawnna leh ram changkang el pha thei tur khawpa kan inbuatsaih a ṭul," a ti.

Seminar hawnna inkhawm chu T Romana College principal Dr Lal­rintluanga'n a kaihruai a; Prof. GC Nanda, Orissa pawhin thu a sawi. Tech­nical session-ah mi 16-in paper an buat­saihte an sawi a, sawiho nghal a ni.