Selam mipuite'n puan dum an zár

Nimin May 22 kha Environment & Forest-a thawkte leh Selam khaw­tlang inhmuhthiam loh vanga Selam khawtlang hruaitute Champhai Dis­trict Jail-a tàntir an nih champha a ni a; he ni denchhen hian Selam mipuite chuan an khaw­tlang hruaitute thu­buai chinfel thuai a nih theih­na atan nimin khan puan dum an zár.

Selam mipuite chuan, an khawtlang hruaitute thubuai chinfel a la ni lo chu hriatthiam harsa an tih thu sawiin, kum tin May 22-ah hriatrengna leh lungawi lohna lantirna hun hman ṭhin an tum thu an sawi.

Selam khawtlang hruaitute hi May 22, 2014-ah E&F department motor hâl leh duty-te tihbuai thubuaiah man an ni a, May 27, 2015 hian Court-ah an inlan leh ang.