KHAWTHLIR

Thisen pe
Lunglei Higher Secondary School zirlaite chuan nimin khan Lunglei Civil Hospital-ah thisen unit 72 an pe a, a petute hmeichhia 46 leh mipa 26 an ni. Lunglei College NSS-te pawhin nimin khan Christian Hospital, Serkawnah thisen unit 44 an pe a, a petute mipa 25 leh hmeichhia 19 an ni.

NLUP sem
AH&Vety department chuan nimin khan Mamit district chhunga NLUP hnuaia ar vulh thlangtu chhungkaw 30 hnenah ar chaw man atan Rs. 15,000 ṭheuh leh chhung­kaw 70 hnenah vawk in sakna atan Rs. 14,450 ṭheuh an sem.

Lehkhabu tlangzarh
Pachhunga University College-a assistant professor H Laldinmawia lehkhabu ziah 'Literature Lamtluang' tih chu nimin khan minister Zodintluanga'n IPR Auditorium-ah a tlangzarh. Lehkhabu hi Rs. 300 man a ni. Lallunghnema lehkhabu ziah, 'Consumer puitu' tih chu nimin khan Aizawl Press Club-ah parliamentary secretary TT Zothansanga'n a tlangzarh bawk.

SSU an lawm
Students Self-Support Union chuan thuchhuah siamin, Mizoram sorkarin Aizawla morning college din tura ruahmanna a siam chu lawmawm an tih thu an tarlang.

Ph.D hmu thar
Lunglei College-a as­sistant professor F Lal­chhanhima chuan Mizo­ram University aṭang­in Ph.D a hmu thar a, a thesis chu 'A case study of the teaching of English for communi­cation at primary level in Mizoram with refe­rence to Lunglei district' tih a ni.

RFD sawiho
Champhaia sorkar office hrang hrang hotut chuan nimin khan DC H Lalengmawia hoin DC conference hall-ah Champhai district Results Framework Document (RFD) 2015-2016 buatsaih leh kalpui zel dan tur an sawiho. RFD hi sorkar laipuiin kum 2009-10 aṭangin a kalpui ṭan a, Mizoramah chuan kum 2013-14 ah kalpui ṭan a ni.