Chhiahtlang Village Development Plan pawm

Rajya Sabha MP Ronald Sapa Tlau-in model village atana a thlan, Chhiahtlang khua tihhmsawnna tura duan Chhiahtlang Village Development Plan chu Ningani zan khan pawm a ni.

Chhiahtlang Village Deve­lopment Plan hi Ningani khan Serchhip DRDA conference hall-ah Ronald Sapa Tlau hoin a kaihhnawih sorkar department hrang hrang aiawh leh Chhiahtlang V/C-te'n an sawiho a; siam ṭhat ngaite siamṭhain, belh ngaite an belh hnuah pawm a ni. VDP document hi pawm a ni tih lantirna atan Ronald Sapa Tlau, charge officer Rohnuni leh Chhiahtlang VCP CR Dothanga ten hming an ziah hnan a ni.

Rajya Sabha MP chuan, in­frastructure development a pawi­mawh rualin, human deve­lopment leh moral development ngaihthah theih a nih loh thu a sawi a, "Mihring leh an rilru puthmang tihhmasawn hi hmasawnna bulthûm ber a ni zawk. Chhiahtlang mipuite rilru sûkthlêk dik chu khaw dangte tan entawn tlak, model a nih ngei ka beisei," a ti.

Chhiahtlang Village Deve­lopment Plan hi a kaihhnawih sorkar department hrang hrang 20-te’n Chhiahtlang khaw mipuite nen inráwna an siam a ni a; line department-te chuan plan hrang hrang siamin, priority number 1, 2, leh 3-ahte an thliar hrang leh a ni.

Village Development Plan hi May thla ral hmaa sorkar laipuia thehluh tur a ni a, sorkar laipuiin an lo endik hnuah pawm tur chin an lo thliar fel ang a, July 2015 aṭangin hna thawh ṭan tur a ni.