Champhai MZP-in zirlai tiṭha chawimawi

MZP headquarters, Champhai chuan Ni­nga­ni khan an huam chhunga zirlai, HSLC leh HSSLC exam-a ti ṭhate chawimawina hun an hmang a, Champhai DC H Lalengmawia'n a hmanpui.

H Lalengmawia chuan, Mizoram sorkarin zirnaa hma a sawn theihna atan sikul ṭan hun a tihma tih a sawi a, "Zirlai pawlte zingah dodal an awm hi thil lung­chhiatthlak tak a ni. Khawvelah zirna ngai­sang leh thiamna ngai­sang apiang hi ram chang­kang an ni," a ti.

Champhai DC chuan zirna beihpui thlak tum mek a nih thu sawiin, "Tumruhna leh huaisenna leh mahni inrintawkna hi hlawhtlinna ban bul pawimawh tak a ni," a ti a; tumruhna leh huai­senna hmaah chuan harsatna a dingchang ngai lo tih a sawi.

Champhai MZP-in zirlai an chawimawite chu - HSLC 2015-a pangana Lalmuanawma Khiangte, HSLC 2015-a Mizo topper Vanlalruatpuii, distinction-a pass-te leh 100% pass percentage nei sikul pasarihte an ni.