Damdawi chungchangah walkathon huaihawt

Health & Family Welfare department leh Mizoram Pharmacists' Association chuan nimin zing khan Aizawlah National Pharmacy Week leh World Antibiotics Resistance Awareness Week pualin walkathon an huaihawt a, Millennium Centre tual aṭangin Vanapa Hall kawt thleng kein an kal.

Walkathon-ah hian HFW principal director Dr Vanlalsawma chuan, hriselna lamah mipui tan doctor, nurse leh thawktu dang dang an ṭang khawm tih a sawi a; mipuiin antibiotics leh damdawi dangte chungchanga tih tur leh tih loh tur an hriat theih nan leh an fimkhur theih nan zirtir zel a, an awmna hmun ṭheuhah hna taima taka thawk zel turin pharmacist-te a fuih.

National Pharmacy Week leh World Antibiotics Resistance Awareness Week pual hian TV-ah talk show neih a ni a, pharmacy, medical, leh dental lama mithiamte'n hun an hmang a ni.