STI Hub, Mizoram hmalakna thlir let

Science Technology & Innovation (STI) Hub, Mizoram chuan an project principal Investigator Prof. Lalnilawma, Rural Development minister hoin nimin khan review meeting an nei a; Mizoram University-a project in-charge Dr Lalhmingliana Renthlei leh thawktute an tel.

STI Hub, Mizoram hi G20 pêng pakhat, Civil 20 hnuaia project a ni a, April 25, 2023 khan Governor Dr Hari Babu Kambhampati-a'n Mizoram University-ah a hawng. Project hi Department of Science Technology bul tuma kalpui niin, MZU leh Amrita Vishwa Vidhyapeetham, Kerala ten an enkawl a ni.

STI Hub project theme chu 'Improving tribal livelihoods, education and sustainability' tih a ni a, Mizorama tribal-te dinhmun chawikan leh tihhmasawn chu a tum ber a ni.